السؤال: طلاق وضمان لي حقوقي وحماية | 22-12-2025
تجوزت بالغصب وصار مشاكل بينا من اول شهر بالزواج وخاني باكتر من طريقة والمهر المقدم تاعي ما استلمته مع انه كان حاكيلي بعد شهرين من زواجنا فورا حيعطيني ياه وكان هو واهله عطول يحكولي اذا مش عاجبك عيشتنا روحي عند اختك ويعيروني بانه قدم العرس عشان ما اضل بالشارع وشفت محادثات عنده +18 مع بنات بطلب منهم يجو عنده عالبيت مع العلم كان النا شهر واحد بس متجوزين ولمن حكيت لاهله وقفو معه لانو ما عندي حدا يدافع عني ولمن رحت عالمحكمة طلبت الطلاق المصلح الاسري والمحامي يلي هناك حكالي انو القاضي ما حيطلقني لانو الاسباب مش كافيه ولازم يكون في دليل انو نام مع بنت يعني مجرد محادثه ما حيفيد وللامانه انا خايفة ارجع عنده واحمل منه وهو اساسا بشرب وما بصلي ولا بصوم وبكفر وانا ما بدي اتورط باني احمل منه وانجبر اضل معه بتمنى ترد علي لانو مو عارفه ايش اعمل وفي قصص تانيه بس مابدي اطول الكتابه اكتر من هيك
الإجابات:
اولا المهر المعجل يمكن النظر في عقد الزواج في حال تم قبض المهر المعجل ام لا في حال كان مسجل بأنه غير مقبوض يمكن تقديمه بدائرة التنفيذ والمطالبة به مباشره في حال كان مسجل مقبوض كعادات وتقاليد ولم يقبض هنا يجب إقامة دعوى أو النظر فيه من خلال دعوى الشقاق والنزاع .
ثانيا الضرر المادي والمعنوي الذي لحق بك من هذا الزواج يمكن التقدم بدعوى شقاق ونزاع لدى المحكمه محل تسجيل عقد الزواج هنا يتحقق القاضي من موجود الشقاق والنزاع بواسطة الشهود أو أي أوراق مثل تقرير طبي أو بناء على أقوالك المجرده يتم توجيه يمين للزوج اذا تحقق القاضي من الضرر المعنوي النفسي مثل الشتم أو المادي مثل الضرب مثلا وان استمرار الزواج أصبح مستحيل يتم الطلاق مع خصم نسبة الإساءة من كامل المهر .
ثانيا الضرر المادي والمعنوي الذي لحق بك من هذا الزواج يمكن التقدم بدعوى شقاق ونزاع لدى المحكمه محل تسجيل عقد الزواج هنا يتحقق القاضي من موجود الشقاق والنزاع بواسطة الشهود أو أي أوراق مثل تقرير طبي أو بناء على أقوالك المجرده يتم توجيه يمين للزوج اذا تحقق القاضي من الضرر المعنوي النفسي مثل الشتم أو المادي مثل الضرب مثلا وان استمرار الزواج أصبح مستحيل يتم الطلاق مع خصم نسبة الإساءة من كامل المهر .